Comme facette mammeta (G. Capaldo, S. Gambardella)


Quanno mammeta t'ha fatta
quanno mammeta t'ha fatta
vuo' sape' comme facette
vuo' sape' comme facette
pe' mpasta' sti carne belle
pe' mpasta' sti carne belle
tutto chello che mettette
tutto chello che mettette
ciento rose n'cappucciate
dint'a martula mmiscate
latte e rose, rose e latte
te facette 'ncoppa 'o fatto
nun c'e' bisogno 'a zingara
p'addivina' Cunce'
comme t'ha fatto mammeta
'o saccio meglio e te.

E pe' fa' sta vocca bella
e pe' fa' sta vocca bella
nun servette 'a stessa ddosa
nun servette 'a stessa ddosa
vuo' sape' che 'nce mettette
vuo' sape' che 'nce mettette
mo' te dico tutto cosa
mo' te dico tutto cosa.

Nu panaro chino chino
tutt'e fravule 'e ciardino
mele, zucchero e cannella
te 'mpastaje 'sta vocca bella
nun c'e' bisogno 'a zingara
p'addivina' Cunce'
comme tha fatto mammeta
'o saccio meglio e te.

E pe' fá sti ttrezze d'oro,
e pe' fá sti ttrezze d'oro...
Mamma toja s'appezzentette,
mamma toja s'appezzentette.

Bella mia, tu qua' muneta!?
bella mia, tu qua' muneta!?
Vuó' sapé che nce servette?
vuó' sapé che nce servette?...

Na miniera sana sana,
tutta fatta a filagrana,
nce vulette pe' sti ttrezze,
che, a vasá, nun ce sta prezzo!

Nun c'è bisogno 'a zingara,
p'andiviná, Cuncè'
comme t'ha fatto mámmeta,
'o ssaccio meglio 'e te.


 1906






Enregistrer un commentaire